[Dapit sa Pagpamarang].

Usa ka harianong siyudad sa Canaan kansang hari misanong sa panawagan ni Jabin nga hari sa Hazor ug miduyog sa nagkampong mga hari didto sa katubigan sa Merom aron makig-away sa Israel. (Jos 11:​1, 5) Siya namatay sa panaggubat nga misunod. (Jos 12:​7, 20) Ang siyudad sa Aksap giapil sa ulahi diha sa teritoryo nga gipahat ingong panulondon ngadto sa tribo ni Aser.​—Jos 19:25.

Gisugyot sa pipila ka eskolar nga ang Aksap mao ang Tell Kisan (Tel Kison), usa ka dapit nga mga 10 km (6 mi) sa HS sa Aco (Acre). Apan, ang uban mipabor sa Khirbet el-Harbaj (Tel Regev) nga mga 11 km (7 mi) sa HS sa Haifa.