Si Solomon nagtukod ug usa ka templo alang kang Jehova sa dihang ang Israel mipuyo na sa Yutang Saad ug napanag-iya ang siyudad nga sa ulahi gibutangan ni Jehova sa iyang ngalan. Ang arkitekto mao si Jehova mismo. Ang amahan ni Solomon, si David, nakadawat sa “plano sa arkitektura sa tanang butang . . . pinaagi sa pagdasig.” (1Cr 28:​11, 12) Kapin sa 180,000 ka tawo ang nagtrabaho sulod sa pito ka tuig ug tunga sa pagtukod sa templo, nga naghuman niini niadtong 1027 W.K.P. (1Ha 5:​13-16; 6:​1, 38) Ang templo, sama sa tabernakulo nga nauna niini, naghawas sa “matuod nga tolda,” ang espirituwal nga templo ni Jehova.​—Heb 8:​1-5; 9:2-10, 23.