Usa ka substansiya nga puti kon kini lunsay, nga gihimo pinaagig pagsunog sa calcium carbonate sama sa anapog, mga kabhang, o mga bukog. (Am 2:1) Kay dagaya sa bukirong rehiyon sa Palestina, ang anapog gihimong apog (calcium oxide) pinaagig pagsunog sa mga tipak sa anapog diha sa pormag-kono o silindrong mga tapahan sa apog. Sa karaang mga panahon ang apog (Heb., sidh) maoy usa ka pangunang sambog sa argamasa ug gigamit sa pagpalitada sa mga paril ug sa pagpaputi sa mga bungbong, mga lubnganan, ug uban pa. (Deu 27:4; Eze 13:10; Mat 23:27; Buh 23:3) Sa mahulagwayong paagi, gigamit usab sa Bibliya ang pagsunog ug apog sa paghawas sa kalaglagan.​—Isa 33:12; tan-awa ang TAPAHAN.