Usa ka harianong siyudad sa A sa Sirya nga kanunayng gilangkit sa Bibliya ngadto sa siyudad sa Hamat. Ang Arpad gituohan nga mao ang Tell Erfad (Tell Rifʽat) nga mga 30 km (19 mi) sa AAK sa Aleppo. Nahimutang daplin sa dalan padulong sa H ngadto sa Hamat ug Damasco, kini subsob nga giatake sa mga Asiryanhon ug sa kadugayan nasakop ni Tiglat-pileser III ug sa ulahi ni Sargon II. Busa ang anak nga lalaki ni Sargon nga si Senakerib, sa dihang naghulga sa Jerusalem niadtong 732 W.K.P., nagsugo sa iyang tigpamaba nga si Rabsake sa paghisgot sa gidangatan sa Arpad ingong ebidensiya sa pagkawalay-katakos sa mga diyos sa mga nasod sa pagsukol sa kusganong gahom sa Asirya. (2Ha 18:34; 19:​12, 13; Isa 36:19; 37:​12, 13) Una nang gitagna ni manalagnang Isaias ang maong pagpanghambog. (Isa 10:9) Sa ulahi gitagna ni Jeremias nga ang Hamat ug ang Arpad  maulawan ug mangabungkag tungod sa ‘usa ka daotang taho,’ dayag nga maylabot sa mga pagpanakop sa Babilonyanhon nga si Haring Nabucodonosor.​—Jer 49:23.