[Tag-iya sa Hermon].

Kining ngalana makita diha sa Maghuhukom 3:3 ug sa 1 Cronicas 5:23. Sa unang teksto kini naghubit sa usa ka dapit diha sa rehiyon nga gipuy-an sa mga taga-Sidon ug sa mga Hivihanon nga nagpabiling wala mabuntog sa mga Israelinhon, ug dinhi kini gitawag ingong “Bukid sa Baal-hermon.” Kasagarang gituohan nga mao kini ang Bukid sa Hermon apan mahimong magtumong sa Kabukiran sa  Anti-Lebanon sa kinatibuk-an o sa usa ka bahin niini. Sa 1 Cronicas 5:23 ang “Baal-hermon” gihisgotan uban sa Senir ug sa Bukid sa Hermon ug sa rehiyon sa Basan aron ilatid ang teritoryo nga gipuy-an sa katunga sa tribo ni Manases. Bisan tuod nga tingali nagtumong kini sa usa ka lungsod o sa usa ka dapit nga duol sa Bukid sa Hermon, lagmit usab nga usa kini ka ngalan sa bukirong rehiyon sa Hermon.​—Tan-awa ang HERMON.