Ang Baal nga gisimba sa mga Moabihanon ug mga Midianhon didto sa Bukid sa Peor. (Num 25:​1, 3, 6) Gihunahuna nga ang Baal sa Peor lagmit mao gayod si Kemos, tungod kay kini ang pangunang diyos sa mga Moabihanon. (Num 21:29) Sama sa Baalismo sa katibuk-an, ang hilabihan ka mahilayong mga rituwal lagmit nga nalangkit sa pagsimba kang Baal sa Peor. Ang mga Israelinhon, samtang nagkampo sa Sitim diha sa habog nga kapatagan sa Moab, gihaylo sa mga babayeng magsisimba niini nga diyos sa pagbuhat ug imoralidad ug idolatriya.​—Num 25:1-18; Deu 4:3; Sal 106:28; Os 9:10; Pin 2:14.

Tungod sa sala sa Israel maylabot sa Baal sa Peor, si Jehova nagpadangat ug makamatay nga hampak nga mipatay sa linibo ka Israelinhon. Gikaduhaduhaan ang gidaghanon sa aktuwal nga namatay sa hampak tungod sa daw panagsumpaki tali sa asoy sa Numeros 25:9 ug 1 Corinto 10:8. Lagmit nga 23,000 ang direktang namatay sa hampak, samtang 1,000 ka “pangulo” ang gipatay sa mga maghuhukom sa Israel ug dayon gibitay aron makita sa tanan.​—Num 25:​4, 5; tan-awa ang BAAL Num. 4.