Usa ka paha nga isul-ob sa usa ka pangasaw-onon sa adlaw sa iyang kasal. Kini magpaila kaniya ingong babayeng minyo. Si Jehova ingong “bana” sa Israel nagpasiugda sa sala ug sobrang pagsalikway sa Israel kaniya pinaagi sa pag-ingon: “Malimtan ba sa usa ka ulay ang iyang mga pahiyas, sa usa ka pangasaw-onon ang iyang mga bangan sa dughan? Apan ang akong kaugalingong katawhan​—sila nahikalimot kanako sa mga adlaw nga dili maihap.” Ang Diyos sa Israel mao untay iyang labing maanindot nga pahiyas, apan iyang gitalikdan siya tungod sa ubang mga diyos.​—Jer 2:32; Isa 3:20; itandi ang Isa 49:18.