Usa ka makaayong substansiya nga ihidhid sa mga mata; gigamit sa mahulagwayong diwa diha sa Bibliya. Ang mga Kristohanon sa kongregasyon sa Laodicea nga buta sa espirituwal giawhag sa pagpalit ug ‘banyos-sa-mata, nga ihidhid sa ilang mga mata aron sila makakita.’ (Pin 3:​17, 18) Ang Gregong pulong alang sa  banyos-sa-mata (kol·louʹri·on) sa literal nagkahulogang usa ka hinulma o linginong minasa sa dili-pino nga tinapay, nga nagpasabot nga ang banyos lagmit gihimo ingong gagmayng linginong minasa o mga hinulma. Sanglit ang Laodicea ilado tungod sa tunghaan sa medisina niini ug lagmit naghimo usab sa tambal sa mata nga nailhang polbos sa Frigia, ang rekomendasyon nga mopalit ug banyos-sa-mata makahuloganon gayod alang sa mga Kristohanon didto.