[Mga Atabay sa mga Anak nga Lalaki ni Jaakan].

Usa ka dapit nga gikampohan sa mga Israelinhon tingali dili lang  kas-a sa panahon sa ilang mga paglatagaw sa kamingawan, nga ang kataposang higayon nga sila nagkampo niini mao kadtong sa hapit nang mamatay si Aaron didto sa Bukid sa Hor. (Deu 10:6) Gituohan nga lagmit mao kini ang el-Birein, mga 62 km (38 mi) sa HK sa Beer-seba ug duol sa modernong ʽEzuz. Adunay mga atabay dinhi, ug ang posibleng nahimutangan sa Kades-barnea maoy pipila lamang ka milya sa habagatan. Si Nelson Glueck nagkomento: “Daghan kaayong karaan nga mga dapit niini nga distrito.” (Rivers in the Desert, 1960, p. 97) Ang Beerot Bene-jaakan dayag nga gitawag lang ug Bene-jaakan diha sa Numeros 33:31.​—Tan-awa ang BENE-JAAKAN.