[Batan-ong Laki nga Kamelyo].

1. Ang ikaduhang ginganlan nga anak nga lalaki ni Benjamin diha sa talaan sa mga kaliwat ni Jacob sa Genesis kapitulo 46. (Tan-awa ang Gen 46:21; 1Cr 7:6.) Wala ilakip si Beker diha sa mga talaan sa kagikan sa Numeros 26:38 ug 1 Cronicas 8:​1, 2. Ang iyang mga kaliwat pinaagi sa iyang siyam ka anak nga lalaki ingong mga pangulo sa banay mikabat ug 20,200 ka “maisog, gamhanang mga tawo,” sumala sa asoy nga gitala sa 1 Cronicas 7:​8, 9.

2. Pangulo sa banay sa mga Bekernon (Bakrihanon, KJ) sa tribo ni Epraim.​—Num 26:35.