[Gipanalanginan ni Jehova].

1. Ang anak nga lalaki ni Simea, sumala sa linya sa kagikan gikan kang Levi hangtod kang Gersom. Ang anak nga lalaki ni Berekias nga si Asap maoy usa ka pangunang lider sa mga mag-aawit nga gitudlo ni Haring David, ug pinaagi kaniya nagsumikad ang daghan pang mga kaliwatan sa mga mag-aawit sa templo. Kini nga Berekias lagmit mao ra ang Num. 2.​—1Cr 6:39; 15:17; 25:1-9; Esd 2:41; Neh 7:44.

2. Usa sa upat ka Levihanong mga magbalantay-sa-ganghaan alang sa Arka sa dihang si David ang hari. Lagmit nga siya mao ra ang Num. 1.​—1Cr 15:​23, 24.

3. Ang anak nga lalaki ni Mesilemot. (2Cr 28:12) Sa panahon nga si Ahaz mao ang hari sa Juda, kining habagatang gingharian nakaagom ug grabeng kapildihan sa mga kamot sa amihanang gingharian, apan sa dihang gibihag ang 200,000 ka tawo ngadto sa Samaria, si Berekias ug ang tulo ka ubang mga pangulo sa Epraim milihok gilayon sumala sa tambag ni Oded nga manalagna ni Jehova. Dili lamang kay napugngan nila ang mga mananaog sa pag-ulipon sa ilang mga igsoon kondili gibestihan ug gipakaon pa gani nila ang mga nabihag ug gitabangan sila sa ilang pagpauli.​—2Cr 28:6-15.

4. Usa ka kaliwat ni David pinaagi kang Solomon.​—1Cr 3:​1, 10, 20.

5. Usa ka Levihanon nga nabuhi human sa pagkadestiyero sa Babilonya; ang anak nga lalaki ni Asa.​—1Cr 9:16.

6. Ang anak nga lalaki ni Mesezabel. Ang anak nga lalaki ni Berekias nga si Mesulam mitabang sa pagtukod pag-usab sa mga paril sa Jerusalem sa panahon ni Nehemias, ug ang iyang apong babaye naminyo sa anak nga lalaki ni Tobias.​—Neh 3:​4, 30; 6:​17, 18.

7. Ang anak nga lalaki sa manalagnang si Ido ug ang amahan sa manalagnang si Zacarias.​—Zac 1:​1, 7.