[Mga Atabay].

Sa panan-awon ni Ezequiel maylabot sa panulondong teritoryo sa Israel, ang Berota gitala ingong anaa sa amihanang utlanan sa tunga sa Hamat ug Sibraim. (Eze 47:16) Mopatim-aw nga kini mao ra usab ang Berotai sa 2 Samuel 8:​8, usa ka siyudad ni Hadadezer nga hari sa Zoba, nga gikan didto si David nagdala ug “daghan kaayong tumbaga.” Diha sa samang rekord sa 1 Cronicas 18:8 ang ngalang Cun mao ang makita puli niini. Gituohan sa kadaghanan nga ang Berota (o Berotai) mao ang presenteng-adlaw nga Britel (Bereitan), mga 10 km (6 mi) sa HK sa Baalbek diha sa walog nga nailhan nga Beqaʽ, nga nahimutang taliwala sa kabukiran sa Lebanon ug Anti-Lebanon.