[Balay ni Dagon].

1. Usa ka lungsod diha sa pahat nga teritoryo nga gihatag ngadto sa tribo ni Juda. (Jos 15:​21, 41) Bisan tuod kini gitala nga lakip sa ubang mga lungsod sa Sepela o ubos nga kayutaan, kini gituohang nahimutang diha sa Kapatagan sa Filistia sa Khirbet Dajun, nga duol lang sa HK sa modernong Beit Dajan (Bet Dagan) ug mga 10 km (6 mi) sa HS sa Tel Aviv-Yafo. Labot niini, mamatikdan nga ang ubang mga siyudad sa kapatagan sa Filistia gitala diha sa misunod nga mga bersikulo. (Jos 15:45-47) Nan ikaingon nga kini maoy sakop nga siyudad sulod sa teritoryo sa Dan, nga mopatim-awng mao usab ang kahimtang sa Gedera.​—Jos 15:36.

2. Usa ka lungsod diha sa teritoryo sa Aser, lagmit sa sidlakang bahin niini ug duol sa utlanan niini ug sa Zabulon. (Jos 19:​24, 27) Dili matino ang tukmang nahimutangan niini.