[Balay sa Eden].

Usa ka siyudad o rehiyon sa Sirya nga gihisgotan sa Amos 1:5 sa mensahe niini nga manalagna batok sa Damasco. Sa pagkakaron gituohan sa kadaghanan nga mao kini ang Bit-adini sa Asiryanhong mga inskripsiyon, usa ka rehiyon nga nahimutang tali sa mga suba sa Euprates ug Balikh. Hinuon, ang gituohang nahimutangan niini dalawaton lamang kon ang “Damasco” diha sa tagna sabton nga naghawas sa Aramaeanhon (Siryanhon) nga mga gingharian sa katibuk-an, sanglit ang gingharian sa Bit-adini nahimutang nga mga 480 km (300 mi) sa A sa Damasco. Sa pagkamatuod, ang Damasco gitawag nga “ang ulo sa Sirya” diha sa Isaias 7:8.

Ang tagna ni Amos (tingali mga 804 W.K.P.) nga “ang katawhan sa Sirya madestiyero gayod ngadto sa Kir” mopatim-awng natuman sa panahon sa Asiryanhong monarko nga si Tiglat-pileser III, sa dihang naghari si Haring Ahaz (761-746 W.K.P.).​—2Ha 16:9.

Ang “mga anak sa Eden” nga gihisgotan sa 2 Hari 19:12 ug Isaias 37:12 lagmit nagtumong sa katawhan sa Bet-eden, tingali ang “Eden” sa Ezequiel 27:23.​—Tan-awa ang EDEN Num. 2.