[Balay sa mga Karo].

Usa sa sakop nga mga siyudad ni Simeon nga gihatag kanila sulod sa teritoryo sa tribo ni Juda. (Jos 19:​1, 5; 1Cr 4:31) Diha sa samang asoy bahin sa mga siyudad nga sa sinugdan gipahat ngadto sa Juda (Jos 15:31), ang Bet-marcabot lagmit gipulihan sa Madmana. Kon ang Bet-marcabot mao ra ang Madmana, nan dayag nga kini nahimutang diha sa pangunang dalan gikan sa Beer-seba paingon sa Jerusalem ug sa mga dapit sa A, ug tingali ang ngalang Bet-marcabot maoy ikaduhang ngalan sa Madmana. Ang ngalan sa lungsod nga gitala sunod sa Bet-marcabot, ang Hazar-susa (o Hazar-susim), nagkahulogang “Sawang (Balangay) sa Bayeng Kabayo (o mga Kabayo).” Ang pipila nagtuo nga ang duha ka dapit maoy mga pondohanan ug mga hunonganan sa mga kabayo ug mga karo nga nagapanaw sa karaang mga ruta tali sa Palestina ug Ehipto. Ang mga karo gigamit usab alang sa gubat (Huk 1:19), ug ang Bet-marcabot lagmit maoy usa ka kuta nga siyudad sa mga Canaanhon diin diha manukad ang ilang mga karo nga iggugubat paingon sa kapatagan sa dapit sa Beer-seba.​—Tan-awa ang MADMANA Num. 2.