1. [lagmit, Bililhong Bato].

Usa sa “mga anak nga lalaki ni Zopa” sa tribo ni Aser.​—1Cr 7:​30, 36, 37.

2. [Dili Maduol nga Dapit].

Usa ka Levihanong siyudad nga dalangpanan, usa sa tulo nga nahimutang sa S nga bahin sa Jordan, nga pangunang gitudlo alang sa tribo ni Ruben. (Deu 4:41-43; Jos 20:8; 21:36; 1Cr 6:78) Kini gihisgotang anaa “sa patag  sa bukid” ug “sa Jerico sa sidlakan sa Jordan . . . sa kamingawan.” Ang Bezer gituohan sa kadaghanan nga mao ang modernong Umm el-ʽAmad, nga nahimutang sa rehiyon sa patag ibabaw sa bukid, 19 km (12 mi) sa H sa Raba (sa Ammon). Gihisgotan kini diha sa Bato sa Moab ingong usa sa mga siyudad nga nailog ug gipalig-on ni Haring Mesa sa Moab sa dihang siya mialsa batok sa Israel human sa kamatayon ni Haring Ahab niadtong mga 920 W.K.P.​—2Ha 3:5.