[pinamubo sa Benaias, nga nagkahulogang “Si Jehova Nagtukod”].

1. Usa ka katigulangan sa Israel kansang mga kaliwat, nga kapin sa 600 ang gidaghanon, namalik sa Jerusalem niadtong 537 W.K.P. (Neh 7:​6, 7, 15) Siya gitawag ug Bani sa Esdras 2:10.

2. Usa ka Levihanon nga mibalik kauban ni Zorobabel niadtong 537 W.K.P. (Neh 12:​1, 8) Mopatim-aw nga ang iyang anak nga lalaki nga si Noadias ang mitabang sa pag-atiman sa dugang pang mga kagamitan sa templo sa dihang gihatod kini ni Esdras ngadto sa templo sa Jerusalem niadtong 468 W.K.P.​—Esd 8:33.

3. Usa sa “mga anak ni Pahat-moab” kinsa, tungod sa pagdasig ni Esdras, nagpapahawa sa ilang langyawng mga asawa ug mga anak.​—Esd 10:​30, 44.

4. Usa ka Israelinhon nga ubay-ubay sa iyang “mga anak” ang nagpapahawa sa ilang langyawng mga asawa.​—Esd 10:​38, 44.

5. Usa ka Israelinhon nga mitabang kang Nehemias sa pagtukod pag-usab sa paril sa Jerusalem. (Neh 3:24) Kini nga anak nga lalaki ni Henadad lagmit mao ra usab ang Num. 6.

6. Usa sa Levihanong mga anak nga lalaki ni Henadad. Lagmit ang katigulangan sa usa nga miuyon sa “kasaligang kontrata” sa mga adlaw ni Nehemias; kon mao kana ang kahimtang, posible nga siya mao ra usab ang Num. 2. (Neh 9:38; 10:​1, 9) Kon, sa laing bahin, si Binui mismo ang nagtimbre niini nga kasabotan, imbes nga usa sa iyang mga kaliwat, posible nga siya mao ra usab ang Num. 5. O tingali siya maoy laing tawo nga pareho niya ug ngalan.