Usa ka pundok sa mga sundalo nga mitabang kang Jehoiada sa pagpalagpot kang Atalia ug sa pagpalingkod kang Jehoas ingong hari sa Juda.​—2Ha 11:​4, 13-16, 19.

Giisip sa daghang eskolar nga ang Carianhong bantay maoy laing ngalan sa mga Keretnon, nga gihisgotang nag-alagad diha sa kasundalohan ni David ug Solomon. Gituohan sa pipila ka eskolar nga ang mga Keretnon nag-alagad usab ingong linain nga mga bantay alang niini nga mga hari. (2Sa 8:18; 1Ha 1:38; 1Cr 18:17) Kini nga paglangkit sa Carianhong bantay sa mga Keretnon dugang gipasukad sa kamatuoran nga ang Masoretikong teksto naghisgot sa “Carianhong bantay” diha sa 2 Samuel 20:​23, samtang ang mabasa sa panaplin niini, ingon man sa daghang Hebreohanon nga mga manuskrito, maoy “mga Keretnon.”

Adunay usa ka karaang distrito sa Caria sa HK nga bahin sa Asia Minor. Sanglit ang Ezequiel 25:16 ug Sofonias 2:5 naglangkit sa mga Keretnon sa mga Filistehanon, ug sanglit ang paghubad sa Gregong Septuagint niini nga mga teksto maoy “mga Cretanhon” inay nga mga Keretnon, ang pipila nagtuo nga kadtong sakop sa Carianhong bantay sa sinugdan lagmit naggikan sa distrito sa Caria agi sa Creta.