Usa ka babaye nga nakadungog sa pagdepensa ni Pablo didto sa Areopago (Bungtod ni Mars) sa Atenas ug nahimong usa ka magtutuo. (Buh 17:​33, 34) Lagmit si Damaris dili usa ka Grego, tungod kay ang mga babaye sa katilingban sa mga taga-Atenas kasagarang naglain. Sanglit si Damaris mao lamang ang babaye nga ginganlan, siya lagmit ilado. Walay balidong pasukaranan sa paghinapos nga siya naminyo kang Dionisio tungod lamang kay ang duha dungang gihisgotan.