[Heb., doʹchan].

Ang Hebreohanong pulong nga doʹchan kasagarang gisabot nga nagtumong sa komon nga dawa (Panicum miliaceum), kon dili man ugaling lakip usab niini ang ubang  kokaamgid o parehong mga balili sama sa sorgum. Ang komon nga dawa nailhan tungod sa lagpad nga mga dahon niini ug sa balhiboon, tag-as kaayong nagsangang mga pungpong sa mga bulak, o hugpong sa mga liso niini. Ang mga lindog sa tanom sagad ilawog sa mga hayop, ug ang gagmayng mga liso niini, nga daghan diha sa matag pungpong sa bulak, gigamit gihapon karong adlawa didto sa Tungang Sidlakan alang sa paghimog tinapay, nga kasagarang isagol sa ubang pagkaong mga lugas. (Eze 4:9) Sa Isaias 28:​25, ang Hebreohanong termino nga soh·rahʹ lagmit nagtumong usab sa dawa.