[Ang Akong Diyos Maoy Kaikyasan; Diyos sa Pag-ikyas].

1. Anak nga lalaki ni Ahasbai; usa sa gamhanang mga tawo ni David. (2Sa 23:34) Si Elipelet lagmit mao ang Elipal sa 1 Cronicas 11:35.

2. Usa ka anak nga lalaki nga natawo kang David didto sa Jerusalem (1Cr 3:​5, 6), gitawag usab ug Elpelet sa 1 Cronicas 14:5.

3. Ang kataposang ginganlang anak nga lalaki ni David nga natawo didto sa Jerusalem. (2Sa 5:16; 1Cr 3:8; 14:7) Ang mga komentarista, nga wala mag-isip nga ang pagsubli niining ngalana diha sa asoy sa Cronicas ingong sayop sa magkokopya, nagtuo nga kining ikaduhang Elipelet natawo human mamatay ang unang anak nga lalaki nga nagbaton sa samang ngalan.

4. Ang ikatulong anak nga lalaki ni Esek, usa ka kaliwat ni Haring Saul.​—1Cr 8:​33, 39.

5. Usa ka kaliwat ni Adonikam nga mibalik uban kang Esdras ngadto sa Jerusalem gikan sa Babilonya.​—Esd 8:​1, 13.

6. Usa ka tawong gitala lakip niadtong nagkuhag langyawng mga asawa apan kinsa, agig pagtuman sa tambag ni Esdras, nagpapahawa kanila.​—Esd 10:​33, 44.