[Malungtaron; Padayong Nag-agos].

1. Usa sa upat ka tawo kansang kaalam, bisan tuod dako, nalabwan ni Solomon. (1Ha 4:31) Kini nga Etan hayan mao ang magsusulat sa Salmo 89, sanglit ang superskripsiyon nagpaila kang Etan nga Ezrahanon ingong magsusulat niini. Sa 1 Cronicas 2:​6, si Etan, Heman, Calcol, ug Dara tanan gihisgotan ingong mga anak nga lalaki ni Zera sa tribo ni Juda ug lagmit mao rang mga tawhana nga gihisgotan sa Unang Hari. Si Etan gitawag nga maoy amahan ni Azarias.​—1Cr 2:8; tan-awa ang EZRAHANON.

2. Ang amahan ni Adaia ug ang anak nga lalaki ni Zima, usa ka Levihanon sa banay ni Gersom.​—1Cr 6:41-43.

3. Usa ka anak nga lalaki ni Kisi (1Cr 6:44) o Kusaias (1Cr 15:17), usa ka Levihanon sa banay ni Merari. Si Etan maoy usa ka mag-aawit ug manunugtog sa piyangpiyang. (1Cr 15:19) Tungod sa iyang suod nga pagpakig-uban kang Heman, gituohan nga si Etan mao ang Jedutun nga gitudlo ni David sa pag-alagad sa tabernakulo didto sa Gabaon ug ang iyang ngalan nga Etan giilisdan ug Jedutun human siya itudlo. (Itandi ang 1Cr 15:​17, 19 sa 1Cr 16:39-41 ug 25:1.)​—Tan-awa ang JEDUTUN Num. 1.