[Toril nga Bato].

1. Usa ka siyudad diha sa Sepela nga gipahat ngadto sa Juda. (Jos 15:​20, 33, 36) Gituohan sa kadaghanan nga ang Gedera mao ang Jedireh (Gedera), mga 22 km (14 mi) sa KAK sa gisugyot nga dapit sa Estaol. Ang pipila sa mga molupyo niini nga siyudad ilado tungod sa ilang paggama ug kasangkapan nga kulonon.​—1Cr 4:23.

2. Mopatim-awng mao ang ngalan sa usa ka dapit sa teritoryo sa Benjamin, ang pinuy-anan ni “Jozabad nga Gederahanon.” (1Cr 12:​1, 2, 4) Gituohan sa pipila ka geograpo nga lagmit mao kini ang Judeira, mga 1.5 km (1 mi) sa AS sa Gabaon.