[Usa ka Langyawng Pumoluyo Didto].

1. Ang unang gitala nga anak nga lalaki ni Levi nga anak ni Jacob. Siya ang amahan ni Libni ug Simei. (1Cr 6:​16, 17, 20, 43, 62, 71) Gitawag usab siya nga Gerson.​—Gen 46:11; Ex 6:​16, 17; Num 3:​17, 18; 1Cr 6:1; 23:6.

2. Ang panganay nga anak nga lalaki ni Moises pinaagi kang Zipora; natawo sa Midian. (Ex 2:​21, 22; 1Cr 23:14-16) Ang ugangang lalaki ni Moises nga si Jetro miadto kang Moises sa kamingawan, nga nagdala kang Zipora nga asawa ni Moises ug sa ilang duha ka anak nga lalaki nga si Gersom ug Eliezer. (Ex 18:2-4) Ang pag-alagad ni Jonatan nga kaliwat ni Gersom ingong saserdote alang sa mga Danhanon maoy supak sa balaod, tungod kay bisan tuod siya usa ka Levihanon, siya dili gikan sa banay ni Aaron.​—Huk 18:30.

3. Pangulo sa balay sa amahan ni Pinehas nga mikuyog kang Esdras gikan sa Babilonya.​—Esd 8:​1, 2.