Usa ka dapit diin ang mga tawo ni David kaduha makapatay ug higanteng mga manggugubat sa kasundalohan sa mga Filistehanon. (2Sa 21:​18, 19) Ang samang asoy sa 1 Cronicas 20:4 nagtala sa dapit sa unang panagsangka ingong didto sa “Gezer” (“Gat” sa pipila ka kopya sa Gregong Septuagint ug sa Syriac nga Peshitta), samtang wala nganli ang ikaduhang dapit sa maong panagsangka. (1Cr 20:5) Apan ang duha ka asoy nagpakita nga ang ikatulong panagsangka nahitabo sa “Gat” (2Sa 21:20; 1Cr 20:6), ug busa ang daghang eskolar nagtuo nga ang “Gob” maoy sayop nga pagkopya sa “Gat.” Hinunoa, alang sa uban daw dili makataronganon nga ang maong sayop kaduha mahitabo diha sa nagsunod nga mga bersikulo, ug sila nanghinapos nga ang Gob lagmit maoy ngalan lamang kanhi sa usa ka dapit nga duol sa Gezer apan karon wala na mahibaloi.