Gagmayng mga bato. Diha sa Kasulatan, ang “graba” gigamit sa masambingayong diwa. Ang makadaot nga mga sangpotanan sa pagbaton ug tinapay pinaagi sa kabakakan gitandi sa baba sa usa ka tawo nga napuno sa graba. (Pr 20:17) Dugang pa, ang mapig-ot nga pagtratar ni Jehova nga gipahamtang batok sa dili-matinumanong Jerusalem pinaagi sa mga Babilonyanhon gipakasama sa ‘pagdugmok sa mga ngipon pinaagig graba.’ (Lam 3:16) Sumala sa Hudiyohanong tradisyon, gituohan nga mao kini ang aktuwal nga kasinatian niadtong gidestiyero sa Babilonya. Ang tradisyon nag-ingon nga sila gipugos sa pagluto ug tinapay sa mga lungag nga gikalot diha sa yuta ug busa, ingong resulta, ang mga tinapay nasagolan ug pino, hait nga mga graba.