[Mga Dulang (Mga Panaksan) sa Katubigan].

Usa ka dapit nga gipangayo sa anak nga babaye ni Caleb sa dihang siya naminyo kang Otniel. (Jos 15:17-19; Huk 1:13-15) Gihubad sa daghang bersiyon ang Gul·lothʹ maʹyim ingong “mga tubod sa tubig,” samtang ang “Ibabaw nga Gul·lothʹ ug Ubos nga Gul·lothʹ” kasagarang gihubad nga ‘ibabaw nga mga tubod ug ubos nga mga tubod.’ (Tan-awa ang JB, RS, Yg, KJ.) Apan, angayng matikdan nga ang anak nga babaye ni Caleb dili kay nangayo lamang ug “mga tubod” gikan sa iyang amahan. Siya nangayog “uma,” sumala sa Josue 15:18. Busa ang Gul·lothʹ maʹyim usahay gihubad nga “maayong pagkatubig nga yuta.” (Kx; tan-awa usab ang Dy.) Gipalabi sa ubang mga eskolar nga dili kini hubaron, nga naggamit lamang sa katumbas nga mga espeling nga “Gulat-maim” (AT) o “Gulot-maim.” (NW) Ang tukmang nahimutangan sa Gulot-maim wala mahibaloi.​—Tan-awa ang DEBIR Num. 2.