[Mabinationg Paggakos].

Usa ka Hebreohanong manalagna sa Juda ug magsusulat sa basahon sa Bibliya nga nagdala sa iyang ngalan. (Hab 1:1; 3:1) Gikan sa paniklop nga mga pulong sa basahon (“Ngadto sa tagdumala sa akong kinuldasang mga tulonggon”) ug sa awit sa pagbangotan sa kapitulo 3, gituohan nga si Habacuc maoy usa ka Levihanong maghohoni sa templo. Apan kining paniklop nga mga pulong human sa Habacuc 3:19 wala magtino niana, ug ang mga awit sa pagbangotan giawit usab sa ubang mga tawo nga dili mga Levihanon. (2Sa 1:​17, 18) Bisan tuod dihay lainlaing mga tradisyon bahin kang Habacuc, kini dili kasaligan, ug ang Kasulatan mismo wala maghatag ug impormasyon mahitungod sa kagikan, tribo, mga kahimtang sa kinabuhi sa manalagna, o sa iyang kamatayon. Ang ebidensiya diha sa basahon ni Habacuc daw nagpakita nga siya nanagna sa sayong bahin sa paghari ni Jehoiakim, lagmit sa wala pa mapildi ni Nabucodonosor ang Ehiptohanong kasundalohan didto sa Carkemis niadtong 625 W.K.P.