Usa ka dapit nga gihisgotan sa Isaias 30:4 diha sa mahukmanong pagsaway ni Jehova batok niadtong nangayog tabang sa Ehipto. (Isa 30:1-5) Ang nahimutangan niini dili matino.

Adunay lainlaing posible nga mga kahulogan nga gihatag alang niini nga teksto. Ang pipila ka komentarista nagtuo nga ang “mga sinugo” maoy mga Hudiyo, nga gipadala aron mangayog militaryong tabang sa Ehipto, ug nga miabot sila sa Hanes alang sa maong misyon. Ang uban nagtuo nga ang mga sinugo naggikan kang Paraon (gihisgotan sa Isa 30:3) nga gihulagway nga nagdawat sa Hudiyohanong delegasyon sa dihang nakaabot kini sa Hanes. Bisan hain niini, gipakita ni Jehova nga ang Ehipto mahimong kawang nga tinubdan sa tabang.​—Isa 30:5.