[Sawang (Balangay) sa Bayeng Kabayo].

Usa ka sakop nga siyudad sa Simeon sa habagatang bahin sa Juda (Jos 19:​1, 2, 5), gitawag usab nga Hazar-susim. (1Cr 4:31) Ang samang talaan sa mga siyudad nga sa sinugdan gipahat ngadto sa Juda naglakip sa “Sansana” imbes sa Hazar-susa. (Jos 15:​21, 31) Giisip sa pipila nga kini maoy magkalahing mga dapit, nga gihunahunang ang Sansana anaa sa AAS sa Beer-seba ug ang Hazar-susa anaa sa mga 26 km (16 mi) sa K sa Beer-seba didto sa Sbalat Abu Susein, duol sa Kapatagan sa Filistia. Apan, ang pipila ka eskolar naghunahunang ang Hazar-susa lagmit mao lamay ikaduhang ngalan sa Sansana, nga kining ikaduhang ngalan, pinaagi sa kahulogan niini, naghubit sa iladong kalihokan sa maong dapit. Kon kini mao ra ang Sansana, ang Hazar-susa lagmit mao ang Khirbet esh-Shamsaniyat sa AAS sa Beer-seba, dili layo sa gituohang dapit sa Madmana (tingali ang Bet-marcabot), nga naunang gitala (sa Hazar-susa, Hazar-susim, o Sansana) diha sa mga teksto nga gihisgotan.​—Tan-awa ang BET-MARCABOT.