Usa ka dapit nga nailhan tungod sa maayong bino niini nga gipabilhan pag-ayo sa siyudad sa Tiro. (Eze 27:18) Ang Helbon gituohan sa kadaghanan nga mao ang modernong balangay sa Halbun, mga 20 km (12 mi) sa AAK sa Damasco. Ang balangay nahimutang sa usa ka hiktin nga walog nga may hinagdan nga mga parasan nga nahimutang diha sa ibabawng bahin sa mga bakilid. Sa karaang kapanahonan, dili lamang ang Tiro ang nakabaton sa bino sa Helbon kondili nakabaton usab ang Asirya, Babilonya, ug Persia.