[Pabor; Puangod].

Anak nga lalaki sa usa ka Sofonias (dili ang manalagna); ang usa nga mibalik gikan sa pagkadestiyero sa Babilonya. Siya gihisgotan may kalabotan sa halangdong purongpurong nga igabutang sa ulo ni Josue nga hataas nga saserdote ug human niana maiyaha kini ni Hen ug  sa uban pang tulo ka tawo ingong handomanan diha sa templo ni Jehova.​—Zac 6:​11, 14.

Lagmit si Hen mao si Josias nga gihisgotan sa Zacarias 6:10. Ang ngalang Hen giisip sa lainlaing paagi ingong (1) usa ka personal nga ngalan, (2) usa ka pinamubo o pag-usab sa ngalang Josias, ug (3) usa ka common noun. Sa Syriac nga Peshitta ang ngalang Josias parehong makita diha sa Zacarias 6:10 ug 6:​14, sama sa makita sa lainlaing modernong mga hubad. (Mo, La, AT) Bisan tuod ang ekspresyong “ni Hen nga anak nga lalaki ni Sofonias” mao ang makita diha sa pangunang teksto sa Zacarias 6:14 sa American Standard Version, ang usa ka alternatibong paghubad gihatag diha sa usa ka nota o footnote, nga nag-ingon: “O, alang sa kalulot sa anak nga lalaki [ni Sofonias].” Ang hubad nga “Hen,” ingon sa makita sa Bag-ong Kalibotang Hubad ug sa uban pa, gibase sa Masoretikong teksto.