Ang ikaduhang gitala nga anak nga lalaki ni Canaan ug apo-sa-tuhod ni Noe pinaagi kang Ham. (Gen 10:​1, 6, 15; 1Cr 1:13) Si Het mao ang katigulangan sa mga Hitihanon (1Ha 10:29; 2Ha 7:6; tan-awa ang HITIHANON), nga ang usa ka sanga sa banay niini nanimuyo sa kabungtoran sa Juda. (Ex 3:8) Didto sa kasikbit sa Hebron, gipalit ni Abraham gikan kang Epron nga Hitihanon ang yuta sa Makpela ug ang langob nga diha niini ingong usa ka lubnganan. (Gen 23:2-20; 25:8-10; 49:32) Sa 14 ka beses nga kini makaplagan, ang ngalang Het makita sa 10 ka beses may kalabotan sa “mga anak ni Het.” Duha sa mga asawa ni Esau maoy gikan sa “mga anak nga babaye ni Het” (gitawag usab ug “mga anak nga babaye sa Canaan”), ug kini nga mga asawa nahimong tinubdan sa kaguol sa iyang mga ginikanan.​—Gen 26:​34, 35; 27:46; 28:​1, 6-8.