[Heb., shab·belulʹ].

Ang bisan unsang matang sa hinay-moaginod nga mga mollusk, nga kasagarang mailhan tungod sa ilang paliyoliyo o samag-kono nga bayanan nga ilang katagoan. Daghang matang sa mga hilahila ang makaplagan sa Palestina, apan tungod sa ugang klima, adunay pipila ka hilahila nga walay mga bayanan. Ang mga hilahila nga walay bayanan ug ang mga hilahila nga dunay bayanan mopalugwa ug danglog nga mga substansiya nga magpanalipod kanila nga dili mabanggos samtang sila mokamang. Daghan ang nagtuo nga ang pag-aginod sa hilahila nga nagbilin ug danglog nga substansiya maoy gipunting sa prase nga “usa ka hilahila nga matunaw.” (Sal 58:8) Ang laing ideya mao nga kini naghisgot sa pagkauga sa hilahila diha sa bayanan niini sa dihang mabulad kini sa adlaw sa taudtaod nga panahon.