1. Usa ka kaliwat ni Aaron nga gitudlong pangulo sa ika-16 nga dibisyon sa mga saserdote sa panahon ni David. (1Cr 24:​1, 6, 14) Lagmit ang 1,052 sa iyang mga kaliwat namalik kauban ni Zorobabel gikan sa Babilonya niadtong 537 W.K.P. (Esd 2:37; Neh 7:40) Ang duha sa “mga anak ni Imer” maoy lakip niadtong nagpapahawa sa ilang langyawng mga asawa sa panahon ni Esdras.​—Esd 10:​20, 44.

2. Amahan ni Mesilemit (o Mesilemot); lagmit mao ra ang Num. 1.​—1Cr 9:12; Neh 11:13.

3. Amahan sa saserdoteng si Pasur, usa ka magsusupak ni Jeremias nga nagbutang sa manalagna diha sa mga sepohan. Si Jeremias nagtagna nga si Pasur ug ang tibuok niyang panimalay pagabihagon ngadto sa Babilonya. (Jer 20:​1, 2, 6) Kon ang pamulong nga “anak nga lalaki ni Imer” pagasabton nga nagtumong sa usa ka kaliwat inay kay sa mismong anak nga lalaki, kini nga Imer tingali mao ang Num. 1.

4. Amahan ni Zadok, usa nga nakigbahin sa pag-ayo sa paril sa Jerusalem. (Neh 3:29) Apan, kini nga Imer lagmit mao ra ang Num. 1 kon ang pamulong nga “anak nga lalaki ni Imer” pagaisipon nga nagkahulogang usa ka kaliwat.

5. Lagmit usa ka dapit sa Babilonya nga didto namalik ang pipila ka saserdote nga dili makapamatuod sa ilang mga talaan sa kagikan.​—Esd 2:59; Neh 7:61.