[pinamubo sa Itiel].

1. Usa ka Gitihanong manggugubat, lagmit gikan sa Filistehanong siyudad sa Gat, kinsa maunongon kaayo kang David. Sa dihang si David ug ang iyang mga tig-alagad mikalagiw gikan sa Jerusalem tungod sa pagrebelde ni Absalom, 600 ka Gitihanon ang mikuyog, lakip kang Itai. Gisulayan ni David pagpugong si Itai nga dili mobiya sa siyudad, apan ang manggugubat nagpahayag sa iyang dakong debosyon niining mga pulonga: “Ingon nga si Jehova buhi ug ingon nga ang akong ginoo nga hari buhi, sa dapit diin moadto ang akong ginoo nga hari, alang man sa kamatayon o sa kinabuhi, didto usab moadto ang imong sulugoon!” Niana gitugotan ni David si Itai nga mopadayon sa pagkuyog kaniya.​—2Sa 15:18-22.

Human ipha ang iyang kasundalohan, gitudlo ni David kining dili-Israelinhon nga si Itai, kauban ni Joab ug Abisai, ingong mga pangulo, nga ang matag usa nagdumalag ikatulong bahin sa kasundalohan.​—2Sa 18:​2, 5, 12.

2. Anak nga lalaki ni Ribai nga naggikan sa Gibea sa teritoryo sa Benjamin; usa sa gamhanang mga tawo sa kasundalohan ni David.​—2Sa 23:29; 1Cr 11:​26, 31.