Ang igsoong babaye sa inahan o amahan sa usa ka tawo; ang asawa sa uyoan sa usa ka tawo. Sa Hebreohanong Kasulatan lamang gihisgotan kini nga relasyon sa kadugo. Diha niana, ang pagpakigsekso sa suod nga paryente sama sa usa ka iyaan giklasipikar ingong insesto ug hugot nga gidili sa Moisesnong Balaod.​—Lev 18:12-14; 20:​19, 20.

Maylabot sa mga ginikanan ni Moises, ang Masoretikong teksto mabasa: “Karon gikuha ni Amram si Jokebed nga igsoong babaye sa iyang amahan ingong iyang asawa.” (Ex 6:20; Num 26:59) Ang  maong kaminyoon nianang panahona gitugotan pa, sanglit nahitabo kini kapin sa 80 ka tuig una pa ihatag ang Balaod.​—Tan-awa ang JOKEBED.