[Hinaot ang Diyos Magtukod; Nagtukod ang Diyos].

1. Usa ka utlanang dapit sa Juda (Jos 15:​1, 11), lagmit mao ra ang Jabne nga giilog ni Haring Uzzias (829-778 W.K.P.) gikan sa mga Filistehanon. (2Cr 26:6) Ang Jabneel gituohan nga mao ang modernong Yavne. Nahimutang nga mga 6 km (3.5 mi) gikan sa Dagat Mediteranyo, ang Yavne anaa sa usa ka hilit, balason nga bungtod nga 20 km (12 mi) sa H sa Jope.

2. Usa ka utlanang dapit sa Neptali. (Jos 19:​32, 33) Bisag gituohan sa pipila nga ang Jabneel sa Talmud mao ang Khirbet Yamma, ang Jabneel sa Bibliya gituohan nga mao ang Tell en-Naʽam (Tel Yinʽam), duol sa usa ka tubod, mga 8 km (5 mi) sa HHK sa Tiberias. Ang ngalan napreserbar diha sa ngalan sa kasikbit nga presenteng-adlaw nga balangay sa Yavneʼel.