[Hinaot ang Diyos Makakita; Ang Diyos Nakakita].

1. Ikatulong gitala nga anak nga lalaki ni Hebron, usa ka Kohatnon sa tribo ni Levi.​—1Cr 23:​6, 12, 19; 24:23.

2. Usa sa gamhanang mga tawo nga miduyog kang David didto sa Ziklag.​—1Cr 12:​1, 4.

3. Usa sa mga saserdote nga may mga trompeta nga anaa kanunay sa atubangan sa arka sa pakigsaad human madala kini ni David sa Jerusalem.​—1Cr 16:​1, 6.

4. Ang Levihanon nga gitugahan sa espiritu ni Jehova aron sa pagsulti ug mga pulong sa pagdasig ngadto kang Haring Jehosapat ug sa kongregasyon sa dihang sila gihulga sa mas dakong puwersa sa kaaway. “Ania ang giingon ni Jehova kaninyo, ‘Ayaw kamo kahadlok o kalisang tungod niining dakong panon sa katawhan,’” si Jahaziel miingon, “‘kay ang gubat dili inyo, kondili iya sa Diyos. . . . Dili kamo kinahanglan nga makig-away niining higayona. Pahimutang kamo, barog nga walay lihok ug tan-awa ang kaluwasan ni Jehova alang kaninyo.’” (2Cr 20:14-17) Si Jahaziel maoy anak nga lalaki ni Zacarias, usa ka kaliwat ni Asap sa mga Levihanong banay ni Gersom (Gerson [Gen 46:11]), busa dili usa ka saserdote.​—1Cr 6:39-43.

 5. Ang amahan ni Secanias, kinsa usa niadtong namalik sa Jerusalem kauban ni Esdras niadtong 468 W.K.P.​—Esd 8:​1, 5.