1. Usa ka kaliwat ni Juda pinaagi sa iyang apo nga lalaki nga si Hesron. Si Hesron naminyo sa usa ka babaye nga gikan sa tribo ni Manases. (1Cr 2:​21, 22) Si Jair giisip nga kaliwat ni Manases inay nga kaliwat ni Juda, lagmit tungod sa iyang mga nahimo sa teritoryo sa Manases, diin iyang giilog ang daghang siyudad sa mga tolda ug ginganlan kini sa iyang ngalan, nga ang maong ngalan ilang gihuptan sulod sa daghang kaliwatan.​—Num 32:41; Deu 3:14; Jos 13:30; 1Ha 4:13; tan-awa ang HAVOT-JAIR.

2. Ang ikapitong maghuhukom sa Israel. Sanglit siya usa ka Gileadnon nga taas ug katungdanan ug ang matag usa sa iyang 30 ka anak nga lalaki nalangkit sa usa sa gihisgotan nang mga siyudad sa mga tolda ni Jair, lagmit siya maoy usa ka kaliwat sa Num. 1. Si Jair naghukom sa Israel sulod sa 22 ka tuig, ug human niana siya namatay ug gilubong sa Kamon.​—Huk 10:3-5.

3. Amahan ni Mardokeo; sa tribo ni Benjamin.​—Est 2:5.

4. Amahan ni Elhanan nga nagpatay kang Lami nga igsoong lalaki ni Goliat. (1Cr 20:5) Ang susamang asoy sa 2 Samuel 21:19 dayag nga adunay sayop sa magkokopya.​—Tan-awa ang LAMI.