[Si Jehova Nagpakitag Pabor; Si Jehova Mapuangoron].

1. Usa ka Korehanon nga magbalantay-sa-ganghaan sa panahon sa paghari ni David; ang ikaunom nga anak nga lalaki ni Meselemias.​—1Cr 26:1-3.

2. Usa ka pangulo sa kasundalohan ubos ni Haring Jehosapat, nga direktang nangulo sa 280,000 ka tawo sa Juda. (2Cr 17:​12, 14-16) Lagmit mao ra ang Num. 3.

3. Amahan ni Ismael nga mipaluyo kang Jehoiada ug sa ubang mga pangulo sa pagpalagpot kang Atalia ug nagpalingkod kang Jehoas diha sa trono sa Juda. (2Cr 23:1-3) Lagmit mao ra ang Num. 2.

4. Usa ka Epraimnon kansang anak nga lalaki nga si Azarias maoy usa ka pangulo niana nga tribo sa mga 760 W.K.P., sa dihang si Haring Ahaz nagmando sa Juda ug si Haring Peka sa Israel.​—2Cr 28:​1, 6, 12.

5. Pangulo sa saserdotehanong balay sa amahan ni Amarias sa mga adlaw ni Joiakim nga manununod sa Hataas nga Saserdoteng si Jesua.​—Neh 12:​10, 12, 13.

6. Anak nga lalaki ni Eliasib. Si Esdras miadto nga nag-inusara sa lawak-kan-anan ni Jehohanan didto sa templo aron sa pagbangotan tungod sa pagkadili-matinumanon sa katawhan.​—Esd 10:6.

7. Usa sa upat ka anak nga lalaki ni Bebai nga nagpapahawa sa ilang langyawng mga asawa ug mga anak sa adlaw ni Esdras.​—Esd 10:​28, 44.

8. Anak nga lalaki sa kaaway ni Nehemias nga si Tobias nga Ammonhanon. Si Jehohanan naminyo sa usa ka Israelinhong babaye.​—Neh 6:17-19.

9. Usa ka saserdote nga nangatungdanan sa templo sa panahon sa inagurasyon sa natukod pag-usab nga paril sa Jerusalem.​—Neh 12:40-42.