1. Usa ka kaliwat sa anak nga lalaki ni Jacob nga si Ruben.​—1Cr 5:​1, 7.

2. Usa ka Benjaminhon kinsa, uban sa iyang banay (asawa nga si Maaca ug napulo ka anak nga lalaki), nanimuyo sa Gabaon; usa ka katigulangan ni Haring Saul. (1Cr 8:29; 9:35-39) Lagmit mao ra usab si Abiel.​—1Sa 9:1; tan-awa ang ABIEL Num. 1.

3. Usa sa mga tawong gamhanan ni David; anak nga lalaki ni Hotam nga Aroernon.​—1Cr 11:​26, 44.

4. Usa ka Levihanon nga magbalantay-sa-ganghaan ug ingon man usa ka maghohoni, kinsa nakigbahin sa pagsaulog pinaagig pagpatugtog ug musika sa dihang ang Arka unang gidala ngadto sa Jerusalem ug human niadto mitugtog sa atubangan sa tolda nga gibutangan niini.​—1Cr 15:​17, 18, 21, 28; 16:​1, 4, 5 (ang ikaduhang gihisgotan nga Jeiel sa ber 5).

5. Laing maghohoni nga Levihanon kinsa naghimo sa samang pag-alagad nga gihimo sa Num. 4. (1Cr 16:​5, ang unang gihisgotan nga Jeiel sa maong bersikulo) Gitawag siya nga Jaaziel sa 1 Cronicas 15:18 ug Aziel sa 15:20.

6. Usa ka Levihanong kaliwat ni Asap ug katigulangan sa Levihanon nga nagdasig kang Haring Jehosapat ug sa mga molupyo sa Juda ug Jerusalem nga dili mahadlok sa ilang mga kaaway, kay si Jehova magauban sa iyang katawhan.​—2Cr 20:14-17.

7. Ang sekretaryo nga nagrehistro ug nag-ihap sa kasundalohan ni Haring Uzzias.​—2Cr 26:11.

8. Usa sa mga pangulong Levihanon nga daghan kaayog giamot nga mga hayop alang sa dakong pagsaulog ni Haring Josias sa Paskuwa.​—2Cr 35:​1, 9.

 9. Usa ka kaliwat ni Adonikam nga mipanaw kauban ni Esdras gikan sa Babilonya paingon sa Jerusalem niadtong 468 W.K.P.​—Esd 8:​1, 13.

10. Usa sa mga anak nga lalaki ni Nebo nga nagpapahawa sa ilang langyawng mga asawa ug mga anak sa adlaw ni Esdras.​—Esd 10:​43, 44.