[Pahimoa si Baal ug Legal nga Depensa (Paawaya)].

Ang ngalan nga gihatag kang Gideon nga anak nga lalaki ni Joas nga Abiezeranhon human niya tumpaga ang halaran sa iyang amahan alang kang Baal ug ang kahoy nga sagradong poste nga tupad niini; dayon, diha sa halaran nga gitukod alang kang Jehova, gihalad ni Gideon ang usa ka toreyong baka sa iyang amahan, ginamit ang mga piraso sa sagradong poste ingong sugnod.​—Huk 6:​11, 25-27.

Sayo sa pagkasunod buntag ang mga tawo sa Opra, sa pagkakita sa gibuhat, nangasuko pag-ayo. Busa sila nagpakisayod ug, sa pagkahibalo nga si Gideon ang mibuhat niining butanga, miinsistir sila nga patyon siya. Ang amahan ni Gideon nga si Joas midapig kang Gideon, nga nag-ingon: “Kamo ba ang mohimog legal nga depensa alang kang Baal aron tan-awon kon siya inyo bang maluwas? Ang bisan kinsa nga mohimog legal nga depensa alang kaniya angayng pagapatyon bisan niining buntaga mismo. Kon siya Diyos, pahimoa siyag legal nga depensa alang sa iyang kaugalingon, kay may nagtumpag sa iyang halaran.” Ang asoy sa Bibliya nagpadayon: “Ug niadtong adlawa siya nagtawag kaniya nga Jerubaal, nga nag-ingon: ‘Pahimoa si Baal ug legal nga depensa alang sa iyang kaugalingon, kay may nagtumpag sa iyang halaran.’”​—Huk 6:28-32.

Si Gideon gitawag ug Jerubeset sa 2 Samuel 11:21.​—Tan-awa ang GIDEON.