[gikan sa lintunganayng pulong nga nagkahulogang “sobra; nag-awas”].

1. Ang ugangang lalaki ni Moises nga si Jetro gitawag nga Jeter diha sa Masoretikong teksto sa Exodo 4:18.​—Tan-awa ang JETRO.

2. Usa ka kaliwat ni Juda pinaagi kang Perez. Si Jeter namatay nga walay mga anak.​—1Cr 2:​4, 5, 25, 26, 28, 32.

3. Ang unang ginganlan nga anak nga lalaki ni Ezra; kaliwat ni Juda.​—1Cr 4:17.

4. Usa ka kaliwat ni Aser. (1Cr 7:​30, 38) Lagmit siya mao ra usab si Itran sa bersikulo 37; ang mga ngalan magkaamgid sa Hebreohanon.

5. Ang panganayng anak nga lalaki ni Gideon. Lagmit si Jeter mikuyog sa iyang amahan sa paggukod ug sa pagdakop sa mga hari sa Midian nga si Zeba ug Zalmuna, apan sa dihang gimandoan sa pagpatay kanila, ang batan-ong si Jeter nahadlok sa paghulbot sa iyang espada. (Huk 8:20) Human mamatay si Gideon, si Jeter gipatay sa iyang igsoon sa amahan nga si Abimelek.​—Huk 9:​5, 18.

6. Amahan sa kanhing pangulo sa kasundalohan ni David nga si Amasa. (1Ha 2:​5, 32) Ang 2 Samuel 17:25 diha sa Masoretikong teksto nagtawag kaniya nga Itra ug nag-ingon nga siya usa ka Israelinhon, apan ang 1 Cronicas 2:17 nagtawag kaniya nga usa ka Ismaelinhon, lagmit tungod kay siya nagpuyo sulod sa usa ka panahon taliwala sa mga Ismaelinhon.