[Diyos si Jehova].

1. Usa ka kaliwat ni Isacar ug pangulo sa banay sa iyang tribo.​—1Cr 7:1-4.

2. Usa ka kaliwat sa anak nga lalaki ni Levi nga si Kohat; “anak nga lalaki ni Azarias” ug katigulangan sa Num. 5.​—1Cr 6:36-38.

3. Usa ka Rubenhon kansang kaliwat nga si Beerah gidestiyero sa Asiryanhon nga si Haring Tilgat-pilneser (Tiglat-pileser III).​—1Cr 5:3-10.

4. Usa ka pangulo sa mga Gadhanon nga nagpuyo sa Basan.​—1Cr 5:​11, 12.

5. Ang panganayng anak nga lalaki ni manalagnang Samuel; usa ka kaliwat sa Num. 2 ug amahan ni Heman nga Levihanong mag-aawit. (1Cr 6:​28, 33, 36; 15:17) Si Joel ug ang iyang manghod nga lalaki nga si Abias gitudlo sa ilang amahan ingong mga maghuhukom, apan ang ilang pagkadili-matinud-anon sa ilang katungdanan naghatag sa katawhan ug katarongan nga mangayog tawhanong hari.​—1Sa 8:1-5.

Sa 1 Cronicas 6:28 ang Masoretikong teksto (ug ang pipila ka hubad) nag-ingon nga si “Vashni” mao ang panganay ni Samuel. Apan, ang kadaghanang eskolar miuyon nga ang “Joel” mao ang makita diha sa orihinal nga Hebreohanon, ang pulong nga gipabilin sa Syriac nga Peshitta ug sa Lagardian nga edisyon sa Gregong Septuagint. (Itandi ang 1Sa 8:2.) Ang pagkaamgid tali sa “Joel” ug sa tumoy sa nag-unang pulong diha sa teksto (“Samuel”) lagmit mao ang hinungdan nga wala na hinuon ikaapil sa magkokopya ang ngalang “Joel.” Lagmit iyang nasaypan ang Hebreohanong pulong nga wehash·she·niʹ (nga nagkahulogang “ug ang ikaduhang [anak nga lalaki]”) ingong mao ang personal nga ngalang “Vashni” ug gisukip ang letrang waw (ug) una pa sa ngalang Abias.

6. Usa sa gamhanang mga tawo ni David; igsoong lalaki ni Natan.​—1Cr 11:​26, 38.

7. Usa ka Gersonhong Levihanon sa balay ni Ladan; anak nga lalaki ni Jehiel(i). (1Cr 23:​7, 8) Si Joel nga pangulo ug ang 130 sa iyang mga igsoong lalaki nagbalaan sa ilang kaugalingon ug mitabang sa pagdala sa arka sa pakigsaad ngadto sa Jerusalem. (1Cr 15:​4, 7, 11-14) Sa ulahi si Joel ug ang iyang igsoong lalaki nga si Zetam gitudlo ingong mga magtatan-aw sa mga bahandi sa sangtuwaryo.​—1Cr 26:​21, 22.

8. Usa ka prinsipe, sa panahon sa paghari ni David, nga sakop sa tribo ni Manases sa K sa Jordan; anak nga lalaki ni Pedaia.​—1Cr 27:20-22.

9. Usa ka manalagna ni Jehova ug magsusulat sa basahon sa Bibliya nga nagdala sa iyang ngalan. Siya maoy anak nga lalaki ni Petuel.​—Joe 1:1; tan-awa ang JOEL, BASAHON NI.

10. Usa ka Kohatnong Levihanon; anak nga lalaki ni Azarias. Sa unang tuig ni Ezequias, si Joel mitabang sa pagdala sa mahugaw nga mga butang nga gikuha sa mga saserdote gikan sa templo aron ilabay ngadto sa Walog sa Kidron.​—2Cr 29:​1, 3, 12, 15, 16.

11. Usa sa ubay-ubayng mga pangulo nga Simeonhon kinsa, sa adlaw ni Ezequias, pinugos nga nagkuha sa yuta sa pipila ka Hamihanon ug mga Meunim aron mapadako ang ilang sibsibanan.​—1Cr 4:​24, 35, 38-41.

12. Usa sa mga anak nga lalaki ni Nebo nga nagpapahawa sa ilang langyawng mga asawa ug mga anak sa adlaw ni Esdras.​—Esd 10:​43, 44.

13. Usa ka magtatan-aw sa mga Benjaminhon nga nagpuyo sa Jerusalem sa panahon sa pagkagobernador ni Nehemias; anak nga lalaki ni Zikri.​—Neh 11:​4, 7-9.