[pinamubo sa Jehoram, nga nagkahulogang “Si Jehova Maoy Hataas (Binayaw)”].

1. Anak nga lalaki ni Haring Toi sa Hamat. Si Joram gipadala uban ang mahalong mga gasa nga ginama sa bulawan, plata, ug tumbaga, lakip ang mga pahalipay sa iyang amahan, ngadto kang Haring David sa dihang napildi ni David si Hadadezer nga hari sa Zoba. Sa baylo, gidawat ni David ug gibalaan ang mga gasa alang kang Jehova. (2Sa 8:​5, 9-11) Sa sama nga asoy ang ngalan ni Joram giespeling nga Hadoram.​—1Cr 18:9-11.

2. Usa ka kaliwat sa Levihanong si Eliezer nga anak nga lalaki ni Moises; lagmit nagkinabuhi siya sa dihang si David ang hari.​—1Cr 26:​24, 25; Ex 18:2-4.

3. Hari sa Israel sulod sa 12 ka tuig; anak nga lalaki ni Ahab. Sagad nga nailhan siya sa taas nga porma sa iyang ngalan nga Jehoram. (2Ha 3:1) Sa Masoretikong teksto atong makaplagan ang mubo nga porma diha lamang sa tulo ka kapitulo.​—2Ha 8:​16, ftn sa Rbi8, 17-29; 9:​14, ftn sa Rbi8, 15-29; 2Cr 22:​5, ftn sa Rbi8, 6, 7; tan-awa ang JEHORAM Num. 2.

 4. Hari sa Juda sulod sa walo ka tuig; anak nga lalaki ni Jehosapat. Usahay ang Masoretikong teksto naggamit sa iyang ngalan diha sa mubo nga porma. (2Ha 8:​21, 23, 24; 11:2; 1Cr 3:​11, ftn sa Rbi8) Ang pinamubo nga porma makaplagan usab sa Gregong Teksto ni Westcott ug Hort, apan ang pipila ka hubad nakatabang sa pagsabot tungod sa paggamit niini sa tibuok nga ngalan. ​—Mat 1:8, NW, Sawyer, TC, We; tan-awa ang JEHORAM Num. 3.