[pinamubo sa feminine form sa Jehohanan, nga nagkahulogang “Si Jehova Nagpakitag Pabor; Si Jehova Mapuangoron”].

Usa sa ubay-ubayng mga babaye nga giayo ni Jesu-Kristo ang balatian ug nga human niana nahimong iyang mga sumusunod, nga nag-alagad kaniya ug sa iyang mga apostoles gikan sa ilang kaugalingong mga kabtangan. (Luc 8:1-3) Si Juana lagmit kauban sa mga babaye nga didto sa paglansang kang Jesus. Kay nag-andam ug mga yerbang-paalimyon ug lana aron dad-on ngadto sa iyang lubnganan, kini nga mga babaye maoy lakip niadtong unang nakakita nga si Jesus nabanhaw na. Apan ang 11 ka apostoles naglisod sa pagtuo sa ilang taho. (Luc 23:​49, 55, 56; 24:1-11) Ang bana ni Juana nga si Cusa maoy piniyalan ni Herodes Antipas.​—Luc 8:3.