Usa nga linaing gipangomosta diha sa sulat ni Pablo ngadto sa mga taga-Roma (16:7). Si Androniko ug Junia maoy iyang “mga paryente.” Bisan tuod ang Gregong pulong nga gigamit dinhi mahimong magkahulogan nga “katagilungsod,” ang pangunang kahulogan maoy “kadugo sa samang kaliwatan.” Ang duha ‘nakauban ni Pablo nga nabihag,’ lagmit nabilanggo uban kaniya sa usa ka dapit. Si Pablo nagtawag kanilang duha nga “mga tawong inila taliwala sa mga apostoles,” tingali nahinumdom sa ilang maayong reputasyon taliwala sa mga apostoles. Sila ‘mas dugay nang nahiusa kang Kristo kay kang Pablo,’ nga nagpaila nga sila unang nahimo nga mga tinun-an.