[gikan sa Lat., nga nagkahulogang “Husto; Matul-id; Matarong”].

1. Ang angga ni Jose Barsabas. Si Justo ug Matias mao ang duha ka kandidato nga gisugyot nga mahimong kapuli ni Judas Iskariote ingong apostol. Ang ripa natunong kang Matias. Bisan tuod nga si Justo wala mapili, ang pagkonsiderar kaniya alang sa maong katungdanan nagpakita nga siya maoy usa ka hamtong nga tinun-an ni Jesu-Kristo.​—Buh 1:23-26.

2. Usa ka magtutuo nga taga-Corinto kansang balay kasikbit sa sinagoga. Tungod sa pagsupak sa mga Hudiyo, si Pablo “mibalhin” ngadto sa balay ni Ticio Justo, nga mao, siya nagpadayon sa iyang pagsangyaw didto; apan siya mipuyo uban kang Aquila ug Priscila.​—Buh 18:1-7.

3. Usa ka Hudiyong isigkamagbubuhat ni apostol Pablo. Si Justo, nga gitawag usab ug Jesus, maoy usa niadtong nagpalig-on kang Pablo sa panahon sa iyang unang pagkabilanggo sa Roma ug kinsa nangomosta usab sa mga taga-Colosas.​—Col 4:​10, 11.