[Heb., tin·sheʹmeth].

Ang ngalan niini nga reptilya gilakip diha sa “tigpanon nga mga linalang” nga “mahugaw” sumala sa Moisesnong Balaod. (Lev 11:​29, 30) Kini nga ngalan giisip nga naggikan sa na·shamʹ, usa ka lintunganayng pulong nga nagkahulogang ‘hangos.’ (Itandi ang Isa 42:14.) Si Koehler ug Baumgartner, sa pagtandi niini sa pinulongang Arabiko, nagsugyot sa “tigpangusmo” ingong kahulogan niini. (Lexicon in Veteris Testamenti Libros, Leiden, 1958, p. 1035) Bisan tuod dili tino kon unsa gayod kini, ang maong ngalan mahimong mapadapat sa kamelyon. Ang kasagaran nga Chamaeleo chamaeleon subsob nga makaplagan sa Ehipto ug Palestina.

Ang kamelyon maoy usa ka matang sa reptilya nga hinayng mokamang ug nagpuyo sa kahoy ug ilado tungod sa katakos niini sa pag-usab-usab sa iyang bulok. Ang pag-usab-usab sa bulok niini pangunang nagdepende sa temperatura, sa kahayag, ug sa emosyon niini.

Sa Levitico 11:18 ang samang Hebreohanong pulong gigamit sa pagtumong sa sisne ingong lakip sa “mahugaw” nga mga langgam.